ವಾರಣಾಸಿ : ದೇಶದ ದೊಡ್ಮನೆ ಮದುವೆ ಸಂಭ್ರಮ ಜೋರಾಗಿದ್ದು, ಮುಖೇಶ್ ಅಂಬಾನಿ ಪತ್ನಿ ನೀತಾ ಅಂಬಾನಿ ಮಗನ ಮದುವೆಯ ಮೊದಲ ಪತ್ರಿಕೆಯನ್ನು ಕಾಶಿಯ ಭಗವಾನ್ ಈಶ್ವರನಿಗೆ ಅರ್ಪಿಸಿ, ನಂತರ , ವಾರಣಾಸಿಯ ಪ್ರಸಿದ್ಧ ಚಾಟ್ ಶಾಪ್ ಗೆ ಭೇಟಿ ನೀಡಿದ್ದಾರೆ.
ಅನಂತ್ ಅಂಬಾನಿ ಹಾಗೂ ರಾಧಿಕಾ ಮರ್ಚೆಂಟ್ ಮದುವೆ ಜುಲೈ 12 ರಂದು ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ನಲ್ಲಿರುವ ಪ್ರತಿಷ್ಠಿತ ಜಿಯೋ ವರ್ಲ್ಟ್ ಕನ್ವೆನ್ಷನ್ ಸೆಂಟರ್ನಲ್ಲಿ ಅದ್ಧೂರಿಯಾಗಿ ನಡೆಯಲಿದ್ದು, ಈ ಹಿನ್ನಲೆ ಮದುವೆ ಪತ್ರಿಕೆಯ ಸಮೇತ ಪೂಜೆ ಸಲ್ಲಿಸಿ ಆಶೀರ್ವಾದ ಪಡೆದಿದ್ದಾರೆ.
ದೇವಸ್ಥಾನಕ್ಕೆ ಭೇಟಿ ನೀಡಿದ ಬಳಿಕ ನೀತಾ ಅಂಬಾನಿ ವಾರಾಣಸಿಯ ಪ್ರಸಿದ್ಧ ಕಾಶಿ ಚಾಟ್ ಅಂಗಡಿಗೆ ಭೇಟಿ ನೀಡಿ, ಸಾಮಾನ್ಯರಂತೆ, ಬನಾರಸಿ ಚಾಟ್, ಬನಾರಸಿ ಟೊಮೆಟೋ ಚಾಟ್, ಪಕೋಡಾ, ಗೋಲ್ಗಪ್ಪಾ ಸವಿದರು.
रिलायंस फाउंडेशन की फाउंडर और चेयरपर्सन नीता अंबानी सोमवार को वाराणसी पहुंचीं. यहां उन्होंने अपने बेटे अनंत अंबानी और होने वाली बहु राधिका मर्चेंट की शादी का न्योता बाबा विश्वनाथ को दिया. इसके बाद नीता अंबानी यहां की लोकल चाट की दुकान में चाट का लुत्फ़ उठाती दिखाई दीं. इस दौरान… pic.twitter.com/qcbO4prYC8
— AajTak (@aajtak) June 24, 2024
ಚಾಟ್ ತಿಂದ ಬಳಿಕ ಅಂಗಡಿಯವನ ಜೊತೆಗೆ ನೀತಾ ಅಂಬಾನಿ ಸೀಕ್ರೆಟ್ ರೆಸಿಪಿಯ ಬಗ್ಗೆ ಕೇಳಿದಾಗ ಆತ ಮುಗುಳುನಕ್ಕು ಕೈ ಜೋಡಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ.