ಚೆನ್ನೈ: ತಮಿಳುನಾಡಿನ ತಿರುಚ್ಚಿ ಜಿಲ್ಲೆಯ ದೇವಸ್ಥಾನದ ಬಳಿ ಇರುವ ಕಾವೇರಿ ನದಿಯ ದಡದಲ್ಲಿ ರಾಕೆಟ್ ಲಾಂಚರ್ ಪತ್ತೆಯಾಗಿದೆ.
ಅಂದನಲ್ಲೂರು ದೇವಸ್ಥಾನಕ್ಕೆ ಭೇಟಿ ನೀಡಿದ ಭಕ್ತರು ದಡದ ಬಳಿ ತೆರಳಿದ್ದರು. ಈ ವೇಳೆ ರಾಕೆಟ್ ಲಾಂಚರ್ ಅನ್ನು ಹೋಲುವ ತಿಳಿ ನೀಲಿ ಮತ್ತು ಕಪ್ಪು ಲೋಹದ ವಸ್ತು ಪತ್ತೆ ಆಗಿದೆ. ಈ ಹಿನ್ನೆಲೆಯಲ್ಲಿ ತಕ್ಷಣ ಭಕ್ತರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ಸ್ಥಳಕ್ಕೆ ಬಂದ ಪೊಲೀಸರು ರಾಕೆಟ್ ಲಾಂಚರ್ ಅನ್ನು ವಸ್ತುವನ್ನು ಭದ್ರಪಡಿಸಿ ಭಾರತೀಯ ಸೇನೆ 117 ಪದಾತಿ ದಳದ ಬೆಟಾಲಿಯನ್ಗೆ ಹಸ್ತಾಂತರಿಸಿದ್ದಾರೆ. ಘಟನೆಗೆ ಸಂಬಂಧಿಸಿ ತನಿಖೆ ನಡೆಸುತ್ತಿದ್ದಾರೆ. ರಾಕೆಟ್ ಲಾಂಚರ್‌ನ ಮೂಲ ಮತ್ತು ಅದು ಹೇಗೆ ನದಿಯ ದಡದಲ್ಲಿ ಪತ್ತೆ ಆಗಿದೆ ಎಂಬುದರ ಕುರಿತು ತನಿಖೆ ನಡೆಯುತ್ತಿದೆ.