ನವದೆಹಲಿ: ಕಾಂಗ್ರೆಸ್ ಸಂಸದ ಶಶಿ ತರೂರ್ ಅವರು ತಮ್ಮ ತೋಟದಲ್ಲಿ ಕುಳಿತಿದ್ದಾಗ ಏಕಾಏಕಿ ಕೋತಿಯೊಂದು ಬಂದು ಅವರ ತೊಡೆ ಮೇಲೆ ಕುಳಿತುಕೊಂಡ ಘಟನೆ ನಡೆದಿದೆ. ಈ ಸಂದರ್ಭ ತರೂರ್ ವಿಚಲಿತರಾಗದೇ ಶಾಂತವಾಗಿ ಗಮನ ಸೆಳೆದಿದ್ದಾರೆ.
ನಾನು ಬೆಳಗ್ಗೆ ಉದ್ಯಾನದಲ್ಲಿ ಕುಳಿತು ದಿನಪತ್ರಿಕೆಗಳನ್ನು ಓದುತ್ತಿದ್ದಾಗ, ಒಂದು ಕೋತಿ ನನ್ನ ಬಳಿಗೆ ಬಂದು ನನ್ನ ಮಡಿಲಲ್ಲಿ ಕುಳಿತುಕೊಂಡಿತು. ಅದು ಹಸಿವಿನಲ್ಲಿದೆ ಎಂದು ಭಾವಿಸಿ, ಅದಕ್ಕೆ ತಿನ್ನಲು ಒಂದೆರಡು ಬಾಳೆಹಣ್ಣು ನೀಡಿದೆ. ಅದು ತಿನ್ನುತ್ತಾ ನನ್ನನ್ನು ತಬ್ಬಿಕೊಂಡು, ನನ್ನ ಎದೆಯ ಮೇಲೆ ತಲೆಯಿಟ್ಟು ಸ್ವಲ್ಪ ಹೊತ್ತು ನಿದ್ರಿಸಿತು. ಅದರ ನಿದ್ರೆ ಮುಗಿದ ಬಳಿಕ ಅಲ್ಲಿಂದ ಹಾರಿ, ಓಡಿ ಹೋಯಿತು ಎಂದು ತರೂರ್ ತಿಳಿಸಿದ್ದಾರೆ.
Had an extraordinary experience today. While i was sitting in the garden, reading my morning newspapers, a monkey wandered in, headed straight for me and parked himself on my lap. He hungrily ate a couple of bananas we offered him, hugged me and proceeded to rest his head on my… pic.twitter.com/MdEk2sGFRn
— Shashi Tharoor (@ShashiTharoor) December 4, 2024
ಕೋತಿ ಕಡಿತದ ಸಂಭವನೀಯ ಅಪಾಯದ ಬಗ್ಗೆ ಅವರು ಆರಂಭದಲ್ಲಿ ಕಾಳಜಿಯನ್ನು ಹೊಂದಿದ್ದರು. ಆದರೂ ಶಾಂತವಾಗಿಯೇ ಇರಲು ನಿರ್ಧರಿಸಿದರು. ಈ ಘಟನೆ ಬಗ್ಗೆ ಅವರು ಇದೊಂದು ಅಸಾಧಾರಣ ಅನುಭವ ಎಂದು ತಿಳಿಸಿದ್ದಾರೆ. ವನ್ಯಜೀವಿಗಳ ಬಗ್ಗೆ ಗೌರವ ನಮ್ಮಲ್ಲಿ ಬೇರೂರಿದೆ. ಕೋತಿಯೊಂದಿಗೆ ಕಳೆದ ಕ್ಷಣ ಶಾಂತಿಯುತ ಮತ್ತು ಸೌಮ್ಯವಾಗಿತ್ತು. ನನ್ನ ನಂಬಿಕೆ ಹೊರಹೊಮ್ಮಿದೆ ಎಂದು ನಾನು ಸಂತೋಷಪಟ್ಟಿದ್ದೇನೆ ಎಂದು ಅವರು ತಿಳಿಸಿದ್ದಾರೆ.