ಬೆಂಗಳೂರು: ಬೀದಿ ನಾಯಿಗಳ (Stray Dogs) ವಿಷಯದ ಕುರಿತು ಸುಪ್ರೀಂ ಕೋರ್ಟ್ನಲ್ಲಿ (Supreme Court) ನಡೆಯುತ್ತಿರುವ ವಿಚಾರಣೆಯ ಕುರಿತು ನಟಿ-ರಾಜಕಾರಣಿ ರಮ್ಯಾ (Ramya) ಅವರು ತೀಕ್ಷ್ಣವಾದ ಹೇಳಿಕೆ ನೀಡಿದ್ದಾರೆ. ನಾಯಿಯ ಮನಸ್ಥಿತಿಯ ಬಗ್ಗೆ ಸುಪ್ರೀಂ ಕೋರ್ಟ್ನ ಹೇಳಿಕೆಯನ್ನು ನಟಿ ದಿವ್ಯಾ ಸ್ಪಂದನಾ ರಮ್ಯಾ ಅವರು ಪುರುಷರಿಗೆ ಹೋಲಿಸಿದ್ದಾರೆ.
ನಟಿ ರಮ್ಯಾ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಪುರುಷರನ್ನು ನಾಯಿಗಳಿಗೆ ಹೋಲಿಸಿ, ಅತ್ಯಾಚಾರದ ಬಗ್ಗೆ ವಿವಾದಾತ್ಮಕ ಪೋಸ್ಟ್ ಹಾಕಿದ್ದಾರೆ. ಶ್ವಾನಗಳ ಬಗ್ಗೆ ಸುಪ್ರೀಂ ಕೋರ್ಟ್ನ ನೀಡಿರುವ ತೀರ್ಪಿನ ಪೋಸ್ಟ್ ಹಾಕಿ ಪುರುಷರಿಗೆ ಹೋಲಿಕೆ ಮಾಡಿದ್ದಾರೆ. ಪುರುಷ ಯಾವಾಗ ಅತ್ಯಾಚಾರ ಮಾಡುತ್ತಾನೆ ಅಂತ ಗೊತ್ತಾಗಲ್ಲ, ಹೀಗಾಗಿ ಎಲ್ಲಾ ಗಂಡಸರನ್ನೂ ಜೈಲಿಗೆ ಹಾಕಿ ಎಂಬ ಪೋಸ್ಟ್ ಅನ್ನು ಅವರು ಹಂಚಿಕೊಂಡಿದ್ದು, ಇದು ಭಾರೀ ಚರ್ಚೆಗೆ ಕಾರಣವಾಗಿದೆ.
ಬೀದಿ ನಾಯಿಗಳ ಕಾಟಕ್ಕೆ ಸಂಬಂಧಿಸಿದಂತೆ ತನ್ನ ಆದೇಶವನ್ನು ಪ್ರಶ್ನಿಸಿ, ಪ್ರಾಣಿಗಳಿಗೆ ಸಹಾನುಭೂತಿಯಿಂದ ಚಿಕಿತ್ಸೆ ನೀಡುವುದರಿಂದ ದಾಳಿಗಳನ್ನು ತಪ್ಪಿಸಬಹುದು ಎಂದು ವಾದಿಸಿದವರಿಗೆ ಪ್ರತಿಕ್ರಿಯೆಯಾಗಿ, ನಾಯಿಯ ಮನಸ್ಥಿತಿಯನ್ನು ನಿರ್ಣಯಿಸಲು ಸಾಧ್ಯವಿಲ್ಲ ಎಂದು ಬುಧವಾರ ಸುಪ್ರೀಂ ಕೋರ್ಟ್ ಹೇಳಿದೆ.
ಅರ್ಜಿದಾರರ ಪರ ವಾದ ಮಂಡಿಸಿದ ಹಿರಿಯ ವಕೀಲ ಕಪಿಲ್ ಸಿಬಲ್, ನಾಯಿಗಳ ಜಾಗಕ್ಕೆ ನುಗ್ಗಿದರೆ ಅವು ದಾಳಿ ಮಾಡುತ್ತವೆ ಎಂದು ವಾದಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ನ್ಯಾಯಮೂರ್ತಿ ವಿಕ್ರಮ್ ನಾಥ್, ಇದು ಕೇವಲ ಕಚ್ಚುವಿಕೆಯ ವಿಷಯವಲ್ಲ, ನಾಯಿಗಳಿಂದ ಉಂಟಾಗುವ ಬೆದರಿಕೆಯೂ ಆಗಿದೆ. ನೀವು ಹೇಗೆ ಗುರುತಿಸಬಹುದು? ಯಾವ ನಾಯಿ ಬೆಳಗ್ಗೆ ಯಾವ ಮನಸ್ಥಿತಿಯಲ್ಲಿರುತ್ತದೆ, ಬಳಿಕ ಯಾವ ಮನಸ್ಥಿತಿ ಬರುತ್ತದೆ ನಿಮಗೆ ತಿಳಿಯುತ್ತದೆಯೇ ಎಂದು ಅವರು ಹೇಳಿದರು.
ಕಳೆದ ವರ್ಷ ನವೆಂಬರ್ನಲ್ಲಿ, ಸುಪ್ರೀಂ ಕೋರ್ಟ್ ಆಸ್ಪತ್ರೆಗಳು, ಶಾಲೆಗಳು, ಕ್ರೀಡಾ ಸಂಕೀರ್ಣಗಳು, ಬಸ್ ನಿಲ್ದಾಣಗಳು ಮತ್ತು ರೈಲ್ವೆ ನಿಲ್ದಾಣಗಳಂತಹ ಸಾಂಸ್ಥಿಕ ಆವರಣಗಳಿಂದ ಬೀದಿ ನಾಯಿಗಳನ್ನು ಸ್ಥಳಾಂತರಿಸುವ ಮತ್ತು ಲಸಿಕೆ ಹಾಕಿದ ನಂತರ ಅವುಗಳನ್ನು ಗೊತ್ತುಪಡಿಸಿದ ಆಶ್ರಯಗಳಿಗೆ ಸ್ಥಳಾಂತರಿಸಲು ಆದೇಶಿಸಿತ್ತು. ಆದರೆ ಇದು ಪ್ರಾಣಿ ಪ್ರೇಮಿಗಳ ವಿರೋಧಕ್ಕೆ ಕಾರಣವಾಯಿತು.
ಇದನ್ನೂ ಓದಿ : ಇದು ಬಂಗಳೂರೋ.. ಬೆಂಗಳೂರೋ?- ಪೊಲೀಸ್ ವಾಹನದಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕ್!
